Atë që e kërkon opozita kreu i qeverisë e ka kthyer sot në një urdhër; ndalimin e përdorimit të mjeteve të administratës dhe burimeve njerëzore gjatë fushatës elektorale.
Kryeministri Edi Rama ditën e sotme urdhëroi ndalimin e përdorimit të mjeteve të administratës gjatë fushatës.
Mësohet se Kryeministri ka urdhëruar ndalimin e burimeve njerëzore të administratës. Gjithashtu, urdhri i Kryeministrit, ndalon përdorimin e fondeve të administratës nga subjektet zgjedhore.
Nga ky urdhër i Kryeministri përjashtohen vetëm përdorimi i mjeteve të Gardës dhe të Policisë.
Mbetet për t’u parë a do të zbatohet ky urdhër duke nisur nga vetë Rama, i cili në fushatë duhet të përdorë ndonjë makinë tjetër dhe jo të kryeministrit./tesheshi.com
