Presidenti Joe Biden ka zgjeruar fushëveprimin e aktit Bllokimi i Pronës së Personave që Kërcënojnë Përpjekjet Stabilizuese në Ballkanin Perëndimor, për të përfshirë edhe Shqipërinë, sipas një asaj çfarë njofton ambasadorja Yuri Kim.
Kjo e fundit shkruan se “Lufta ndaj korrupsionit është një interes thelbësor i sigurisë kombëtare të SHBA”.
Urdhri, i publikuar nga Shtëpia e Bardhë përmend ish-Republikën Jugosllave dhe Shqipërinë.
“Duke qenë se situata në territorin e ish-Republikës Socialiste Federale të Jugosllavisë dhe Republikës së Shqipërisë (Ballkani Perëndimor), gjatë dy dekadave të fundit, duke përfshirë minimin e marrëveshjeve dhe institucioneve të pasluftës pas prishjes së ish Republikës Federale Socialiste të Jugosllavisë, si dhe korrupsionit të përhapur brenda qeverive dhe institucioneve të ndryshme në Ballkanin Perendimor, pengon progresin drejt qeverisjes efektive dhe demokratike dhe integrimin e plotë në institucionet transatlantike, dhe në këtë mënyrë përbën një kërcënim i pazakontë për sigurinë kombëtare dhe politikën e jashtme të Shteteve të Bashkuara”, thuhet ndër të tjera në urdhrin e firmosur nga Biden.
Ndodh kjo pak ditë pasi Sekretari Blinken shpalli publikisht klasifikimin e Berishës dhe familjes së tij si “non grata”, një goditje e rëndë kjo për njeriun që ka mbajtur tonin e politikës shqiptare në 30 vite. /tesheshi.com/
