Pas rezultatit të zgjedhjeve të 25 qershorit, kryeministri Edi Rama, kërkoi dorëheqjen e drejtuesve të qendrave spitalore, me përjashtim të atyre që ndodhen në Tiranë.
Tashmë me krijimin e qeverisë së re, Ministria e Shëndetësise dhe Mbrojtjes Sociale ka hapur konkursin për drejtuesit e rinj të këtyre institucioneve.
Sipas njoftimit të publikuar në faqen zyrtare të MSHMS-së, të gjithë të interesuarit kanë afat deri në datën 6 tetor 2017 për të dorëzuar aplikimet e tyre, duke ndjekur kriteret për të aplikuar
Një pjesë e drejtuesve të spitaleve dhanë dorëheqjet, pas kërkesës së kryeministrit, por të tjerë vijuan detyrën, duke mos iu bindur thirrjes apo urdhërit verbal.
Një prej tyre është edhe Pashk Smaçi, drejtor i spitalit të Lezhës, i cili prerazi ka refuzuar dorëheqjen nga detyra.
“Nuk e kam dhënë dhe as nuk do të jap dorëheqje. Nuk kam ardhur me vullnet apo dëshirë personale në këtë karrige, prandaj do të largohem kur qeveria dhe ministria të emërojnë drejtorin e ri”, thotë Smaçi për mediat lokale.
Madje me urdhërin e tij, drejtoria e spitalit rajonal, referuar edhe udhëzimit të ministres së Shëndetësisë, po evidneton ndërtimet pa leje brenda hapësirës publike të spitalit. /tesheshi.com/
