Prokuroria nxjerr urdhëarrest për një zyrtar të LSI-së. Bëhet fjalë për Hasan Halilin, kreun e degës së Kukësit dhe ish-kryetarin e bashkisë së qytetit verior.
Ai dhe zyrtarët e tjerë, akuzohen se kanë kryer një seri veprimesh fiktive, duke e regjistruar Bashkinë Kukës si aksioneve në shoqërinë “Klubi i Futbolli Kukës” sh.a., për të cilën më pas kanë paguar në mënyrë të paligjshme në formë sponsorizimi, në periudhën 2011-2015 rreth 45 milionë lekë të reja.
Këtë shumë, Bashkia e Kukësit e ka siguruar duke mos paguar kontributet shoqërore dhe shëndetësore për pjesën më të madhe të punonjësve në varësi të institucionit.
Prokuroria e Kukësit nisi hetimin në nëntor 2015, në bazë të një kallëzimi të krerëve të rinj të Bashkisë së Kukësit, të cilët kishin ngritur dyshime për veprime të paligjshme nga ana e ish-drejtuesve të këtij institucioni.
Prokuroria ka kërkuar caktimin e masës së sigurisë “arrest në burg”, e cila u pranua nga gjykata dhe u ekzekutua nga ana e forcave të Policisë së Shtetit, për personat:
- Mirdash Hoxha, ish-drejtor i Drejtorisë Rajonale të Tatimeve, Kukës.
- Lekë Deda, ish-drejtor i Financës, Bashkia Kukës.
- Gëzim Ukperaj, ish-drejtor i Borxhit në Drejtorinë Rajonale të Tatimeve, Kukës është shpallur në kërkim:
- Hasan Halili, ish-kryetar i Bashkisë Kukës.
/tesheshi.com/
