Dhoma Paragjyqësore II e Gjykatës Ndërkombëtare Penale (IÇ) lëshoi sot urdhër-arrest për dy persona për situatën në Ukrainë, Vladimir Putin, presidenti i Rusisë dhe Maria Lvova-Belova, Komisionerja e Presidentit rus për të Drejtat e Fëmijëve.
Presidenti i Federatës Ruse dyshohet se është përgjegjës për krimin e luftës të dëbimit të paligjshëm të popullsisë, përfshirë fëmijët, dhe transferimin e paligjshëm të popullsisë, përfshirë fëmijët, nga territoret e pushtuara të Ukrainës në Federatën Ruse, thuhet në deklaratën e IÇ.
Krimet pretendohet se janë kryer në territorin e okupuar ukrainas më 24 shkurt 2022.
“Ka arsye të arsyeshme për të besuar se Putini mban përgjegjësi penale individuale për krimet e mësipërme, sepse ai i kreu veprimet drejtpërdrejt, së bashku me të tjerët dhe/ose nëpërmjet të tjerëve dhe për shkak të dështimit të tij për të ushtruar siç duhet kontrollin mbi vartësit civilë dhe ushtarakë që kryen akteve, ose lejoi ekzekutimin e tyre, dhe që ishin nën autoritetin dhe kontrollin efektiv të tij, në përputhje me përgjegjësinë e eprorit”, vijon deklarata.
Kujtojmë se Rusia, nën udhëheqjen e Vladimir Putin, nisi një agresion të hapur kundër Ukrainës në shkurt të vitit të kaluar. Për shkak të kësaj, Rusia është nën shumë sanksione ekonomike nga vendet perëndimore. /tesheshi.com/
