Uragani Irma preku brigjet e Floridës, në ishujt Key West, me erëra me shpejtësinë rreth 90 kilometra në orë, por që pritet të arrijnë mbi 200.
Rreth 35 milionë njerëz janë paralajmëruar për rrezikun e uraganit, pasi priten shkatërrime në disa zona të shtetit jugor amerikan.
Metereologët thonë se Irma është stuhia më e fuqishme në 100 vitet e fundit.
Pas largimit nga Key West, uragani pritet të lëvizë drejt brigjeve perëndimore të Floridës.
Guvernatori i Florida, Rick Scott, e cilësoi Irmën si “një stuhi katastrofike që ky shtet kurrë nuk e ka parë më parë”.
Guvernatori Scott përsëriti thirrjen për infermierët dhe punonjësit e emergjencave që të ofrojnë ndihmën e tyre vullnetare, shumë të nevojshme pas stuhisë.
Në rreth 76 mijë banesa është njoftuar se nuk kanë energji elektrike./tesheshi.com/
