Rojet bregdetare u kanë kërkuar njerëzve të bllokuar nga uragani Harvey që të thërrasin për ndihmë në vend që të postojnë foto apo statuse në mediat sociale.
Pavarësisht nga një kërkesë nga Rojet bregdetare të SHBA-së për të thirrur Qendrën e Komandës së Houston për shpëtim në vend të postimit në mediat sociale, shumë banorë vendas të bllokuar nga Uragani Harvey ende i bëjnë kërkesat për ndihmë duke shkruar në Twitter apo Facebook.
Disa thonë se vazhdojnë të gjejnë sinjalin e zënë kur telefonojnë Rojet Bregdetare. Përdoruesit e tjerë të Twitter-it kanë krijuar gjithashtu llogari në mënyrë specifike për drejtimin e shpëtimtarëve tek njerëzit e braktisur.
Në një Twitter të postuar të dielën mbrëma, Rojet bregdetare të SHBA thanë se nëse telefonuesit marrin një sinjal të zënë, ata duhet të vazhdojnë të përpiqen.
Kërkesa e Rojes Bregdetare është e kuptueshme sepse përdorimi i mediave sociale si një platformë për thirrjet emergjente mund të çojë që thirrjet për ndihmë të anashkalohen, të mos identifikohen apo të ketë përhapje të informacionit të rremë dhe madje edhe mashtrime.
Për njerëzit e dëshpëruar që nuk mund të arrijnë qendrat e thirrjeve ose të rimbushin telefonat e tyre, megjithatë, mediat sociale mund të jenë një nga opsionet e pakta që kanë.
Kërkesat e e publikuar në mediat sociale kanë ndihmuar tashmë disa viktima të Uraganit Harvey, duke përfshirë banorët e një qendre sociale në Dickinson të Teksasit. /tesheshi.com/
