Me erëra gjer në 230 kilometra në orë e me shira të rrëmbyeshëm, uragani “Methju”, më i fuqishmi në thuajse një dekadë, ka goditur Haitin.
Një stuhi e kategorisë së katërt, nga uragani mendohet se kanë humbur jetën më së paku gjashtë persona, veç dëmeve materiale, ndërsa ai goditi ditën e sotme Haitin dhe Republikën Dominikane.
Mijëra vetë jetojnë ende në Haiti në çadra pas tërmetit të vitit 2010, prej së cilit vdiqën më shumë se 200.000 njerëz.
Kolera është gjithashtu e pranishme në vend, dhe pritet që rastet të shtohen gjatë këtij muaji, në sezonin e shirave. Gjatë këtij viti ka patur 27.000 raste të dyshuara për kolerë, një e treta e të cilëve janë fëmijë.
“Kjo është stuhia më e madhe që ka parë Haiti në dekada, dhe dëmet do të jenë pa dyshim të mëdha,” deklaroi Marc Vincent, përfaqësuesi i UNICEF-it në vend. /tesheshi.com/
