Ulqini e Velipoja do lidhen me një urë, e cila do kushtojë 9 milion euro. Projekti u paraqit në Ohër nga kryeministrat e dy vendeve, Rama e Abazoviç, të gjendur të qytetin maqedonas bregliqenor në kuadër të “Open Balkans”.
Rama dha një shpjegim mbi këtë vepër, duke e lidhur atë me gjyshen e tij të ndjerë nga Shkodra, si dhe me emërtesën politike të forcës që përfaqëson Abazoviç.
“Le të arrijmë atë fazën e 70 viteve më parë, kur gjyshja ime jetonte në Shkodër. Ajo ishte nostalgjike për atë kohë. Po të shohësh fotot e Marubit sheh vende kaq të bukura.
Jemi këtu për të ndërtuar urën dhe le të mndërtojmë urën. Njerëzit në Malin e Zi e dinë që partia juaj e ka kuptimin Ura”, u shpreh Rama.
“Me anë të urës do të kemi një distancë të shkurtuar 72 herë, do të ketë një gjatësi prej 310 metrash me tre
harqe e mundësisë C1, e do të ketë mundësi të përdoret nga makinat, autobusët, kamionet, bicikletat. Ka një lartësi që lejon kalimin nën të, në rastin që lumi Buna do të jetë i hapur për mjetet lundruese.
Jemi në fazën e përgatitjes së projektit të detajuar që do të jetë i gatshëm brenda dy muajve. Procesi i buxhetimit dhe i prokurimit do të kërkojë gjashtë muaj deri në qershor 2023, kostoja e vlerësuar është rreth nënë milion euro dhe mund të jetë gati për 18 muaj”, ishte shpjegimi i kryeministrit shqiptar. /tesheshi.com/
