Presidentja Vjosa Osmani tha se Shtetet e Bashkuara të Amerikës nuk kanë kërkuar që ura mbi Ibër të mbetet e mbyllur, por se, siç tha ajo, data e hapjes së saj duhet të përcaktohet bashkërisht në bazë të një vlerësimi të sigurisë.
Osmani tha se është në interesin e Kosovës që NATO të mbetet prezente dhe SHBA-ja të vazhdojë të ofrojë mbështetje”.
“Ata po kërkojnë që të ulemi dhe të vendosim bashkërisht për një datë, në bazë të vlerësimeve të përbashkëta të sigurisë…”, tha Osmani.
Autoritetet e Kosovës prej ditësh kanë shpallur hapjen për qarkullim të urës mbi Ibër në qendër të Mitrovicës. Ura aktualisht përdoret nga këmbësorët dhe trafiku rrjedh mbi tre ura të tjera në qytet. Për serbët, që kundërshtojnë hapjen, por edhe për shqiptarët, që e mbrojnë atë, ura kryesore ka një kuptim simbolik. Për këtë arsye përfaqësuesit e BE-së, SHBA-së dhe një pjesë e bashkësisë ndërkombëtare kanë frikë nga incidente të mundshme nëse ura hapet pa marrëveshjen e të gjitha palëve.
Çështja e masave të BE-së ndaj Kosovës
Duke folur për masat e miratuara nga Bashkimi Evropian në Kosovë në vitin 2023, Osmani tha se javët e fundit në Prishtinë janë njoftuar se disa vende kanë kërkuar që këto masa të mbeten në fuqi dhe ka theksuar se Gjermania mbështet heqjen e këtyre masave.
Në qershor të vitit të kaluar, Bashkimi Evropian vendosi masat në Kosovë pas shpërthimit të dhunës, pasi kryetarët e nacionalitetit shqiptar hynë në ndërtesat komunale dhe morën detyrën, pas zgjedhjeve që u bojkotuan nga serbët e Kosovës.
Këto masa përfshijnë pezullimin e përkohshëm të punës në trupat punues në kuadër të Marrëveshjes së Stabilizim Asociimit.
Kosova gjithashtu nuk është e ftuar në takime të nivelit të lartë, janë ndërprerë vizitat e zyrtarëve të huaj dhe është pezulluar edhe nga një program prej 7.5 miliardë eurosh i financuar nga BE-ja.
“Javët e fundit jemi informuar se disa vende kanë kërkuar që masat të mbeten për shkak të pakënaqësisë së tyre për arsye të ndryshme”, tha Osmani. /tesheshi.com/
