Një ditë pas firmosjes së marrëveshjes së ndërtimit të një ure mbi Bunë, e cila do lidh Ulqinin me Velipojën, kryeministri Rama ofroi 3D-në e tij të zakonshme të kësaj vepre infrastrukturore.
“….Dhe me projektin e ‘Urës mbi Bunë’, një projekt i bërë gati për zbatim nga Fondi Shqiptar i Zhvillimit, i cili do të bashkëfinancohet nga dy qeveritë, për të lidhur vendet tona duke shkurtuar distancën mes Velipojës e Ulqinit nga 73km në 300m, si edhe duke i dhënë një shtysë të re lirisë së lëvizjes, turizmit dhe ekonomisë ndërkufitare, ju uroj një ditë të bukur”, shkruan i pari i qeverisjes. /tesheshi.com/
