Universiteti i Miçiganit në Shtetet e Bashkuara ka ndërhyrë me forcë në debatin më të ndezur të kohëve të fundit në këtë vend, që shpeshherë është nxitur nga retorika e fushatës presidenciale. Presidenti i këtij universiteti theksoi se diskriminimi racial dhe fetar në institucionin që drejton nuk kanë vend, ndërkohë që studentët u shprehën të shqetësuar pasi kishin parë mesazhet e shkruara me shkumës në kampus, në mbështetje të Donald Trump.
Mesazhet si “StopIslam”, “Trump 2016”, dhe “Ndërtoje murin”, të shkruara në kampusin universitar, vijnë në një kohë që në kampuset universitare në Shtetet e Bashkuara ka pasur protesta kundër diskriminimit dhe përjashtimit, ndërsa kandidatët republikanë kanë nxitur propozime ndarëse që do të ndikonin thellë në komunitetin musliman: që nga patrullimi i lagjeve me popullsi muslimane e deri tek ndalimi i hyrjes në Amerikë.
Incidenti në Miçigan pason një veprim të ngjashëm në Universitetin Emory në Xhorxhia, ku një seri shkrimesh me shkumës mbështesnin propozimet e Donald Trump duke nxitur shqetësim dhe një debat të gjerë për lirinë e shprehjes. Por mesazhet në qytetin tradicionalishtt liberal Ann Arbor shkuan edhe më tej, duke shënjestruar drejtpërsëdrejti Islamin dhe muslimanët.
Pasi mesazhet u gjetën të shkruara përgjatë rrugës kryesore këmbësore Diag që shkon përmes kampusit qendror, policia u përgjigj apelit të universitetit por nuki fshiu mesazhet si kërkuan autoritetet akademike.
“Universiteti ka politikën që lejon mesazhe të shkruara me shkumës në rrugicën Diag, ku ndodhi edhe ky incident”, tha zëdhënësi Rick Fitzgerald. Por në një deklaratë të mëvonshme, universiteti tha se mesazhet anti-Islam ishin të papranueshme e në kundërshtim me vlerat e respektit, civilizimit dhe barazisë. Gjithsesi, në deklaratë thuhet se aty ky fjala është e lirë, ndonjëherë ndodh të lëndojë.
Gjithë ky debat mori fund kur një grup studentësh fshinë mesazhet, ndërsa një prej tyre tha për gazetën universitare se përgjigja e administratës “lejon këto stereotype raciste dhe të urrejtjes që kthehen në dhunë e që bëjnë që studentët me ngjyrë të kampusit të ndjehen të pasigurtë”.
Studentët arabo-amerikane kontaktuan me zyrën lokale të Komitetit kundër diskriminimit. “Ne presim që zyrtarët e universitetit të ndërmarrin masa proactive që të sigurojnë hapsira të sigurta për studentët e komunitetit tonë në këto kohë me tension të lartë e islamofobi”, tha Fatina Abdrabboh, drejtore e zyrës rajonale.
Megjithatë, presidenti i universitetit të Miçiganit, Mark Schlissel, pranoi se mesazhet shkaktuan tek anëtarët e komunitetit të ndjehen të kërcënuar e jot ë mirëpritur.
Reagimet kanë qenë të ndryshme, në Emory ku pas shfaqjes së mesazheve, pati nga ata që akuzuan studentët se po tregohen më tepër të ndjeshëm se ç’duhet. Ndër ta ishte edhe ish-zëdhënësi i dhomës së kongresit, republikani Neët Gingrich dhe vetë student të universitetit.
“Në këtë kohë të ISIS si mund të na frikësojë një emër i shkruar me shkumës”, pyeti ai në rrjetet sociale.
Por të tjerë nuk e mendojnë kështu dhe kanë inkurajuar të gjithë ata që kanë dijeni për autorët e mesazheve të kontaktojnë me departamentin e sigurisë publike të universitetit.
Këshilli i marrëdhënieve amerikano-islamike thotë se incidenti është më i rëndë sesa mesazhet me shkumës. “Nëse dikush dëshiron të shkruajë në kampus fjalë që nxisin urrejtje, do të jetë sigurisht zemërim”, thuhet në një deklaratë.
Përgatiti: Juli Prifti – /tesheshi.com/
