Presidenti turk Rexhep Tajip Erdogan hapi të martën Lojërat e 5-ta të Solidaritetit Islamik në Konya, nën një atmosferë edhe uniteti fetar, pasi turqit u bënë bashkë me sauditët.
“Po filloj aktivitetet sportive të Lojërave të 5-ta të Solidaritetit Islamik. Unë i përgëzoj të gjithë ata që kanë kontribuar për këtë në kombin tim dhe në emër të kombit tim. Patçi fati”, tha Erdogan në ceremoninë e hapjes.
Lojërat do të zgjasin deri më 18 gusht me pjesëmarrjen e më shumë se 4000 sportistëve nga 56 vende.
Duke folur në ceremoninë e hapjes, Sekretari i Përgjithshëm i Organizatës së Bashkëpunimit Islamik, Hissein Brahim Taha, falënderoi Turqinë për organizimin e aktivitetit.
Taha tha se është e rëndësishme që vendet islame të bashkohen në organizata të tilla që mundësojnë forcimin e dialogut ndërkulturor.
Ministri i Sportit i Arabisë Saudite, Princi Abdulaziz bin Turki Al-Faisal, i cili është edhe kreu i Unionit të Komiteteve Olimpike Kombëtare Arabe, përshëndeti organizimin dhe falënderoi Erdoganin dhe popullin turk për organizimin.
Ministri turk i Rinisë dhe Sporteve Mehmet Muharrem Kasapoglu tha se Konya po pret një “festival sportiv” që do të shfaqë sportin dhe vëllazërinë.
Kasapoglu shtoi se aktivitetet sportive ndërkombëtare kontribuojnë në zhvillimin e vëllazërisë midis vendeve.
Interesant është fakti se mes shumë emrave, si presidenti azerbajxhanas Ilham Aliyev, kryeministri i Palestinës, Muhammed Shtayyeh, kryeministri i Algjerisë, Eymen bin Abdurrahman etj., ishte kryeministri Rama.
Ky i fundit ofroi pamje të prezantimit të ekipit shqiptar në këtë aktivitetet. /tesheshi.com/
