Udhëheqësit përsërisin nevojën për një zgjidhje të drejtë dhe gjithëpërfshirëse që mbron të drejtat e palestinezëve
Shtetet anëtare të Organizatës së Bashkëpunimit Islamik (OIC) u mblodhën në Jeddah të Arabisë Saudite të hënën në mëngjes për diskutime mbi të ashtuquajturin planin e paqes në Lindjen e Mesme të Shteteve të Bashkuara.
Në hapje, sekretari i përgjithshëm i OIC, Jusuf bin Ahmed Al-Othaimeen tha se çdo zgjidhje për çështjen e Palestinës “duhet të bazohet në krijimin e një shteti sovran palestinez dhe të integruar gjeografikisht, me Jerusalemin Lindor si kryeqytetin e saj.”
“Ne pohojmë dhe njëherë përkushtimin tonë për t’u angazhuar vazhdimisht në përpjekjet që synojnë arritjen e paqes, sigurisë, stabilitetit dhe drejtësisë, në përputhje me rezolutat ndërkombëtare dhe nismën arabe për paqen.”
Ai gjithashtu ripohoi mbështetjen e OIC-së për” Autoritetin Palestinez dhe zgjedhjen e njerëzve.”
Ministri i Jashtëm turk Mevlut Cavusoglu e kritikoi planin e ashtuquajtur të paqes në Lindjen e Mesme të SHBA-ve si një përpjekje për të “justifikuar okupimin dhe aneksimin nga ana e Izraelit të Jeruzalemit dhe Bregut Perëndimor”.
Ai hodhi poshtë çdo mundësi për të negociuar mbi planin dhe tha se ishte një dokument që kishte për qëllim të autorizojë shitjen e Palestinës dhe se përmban kërkesat e Izraelit që i janë diktuar Uashingtonit.
“Ky plan është kundër të gjitha parametrave ndërkombëtarë për zgjidhjen e drejtë, gjithëpërfshirëse dhe të përhershme të çështjes së Palestinës, veçanërisht kufijve, vendbanimeve të paligjshme dhe statusit të Jeruzalemit dhe refugjatëve”, tha Cavusoglu.
Ministri i Jashtëm saudit, Faisal bin Farhan, theksoi se vendi i tij insiston në një zgjidhje gjithëpërfshirëse “që garanton të drejtat e popullit palestinez për krijimin e një shteti me Jeruzalemin Lindor si kryeqytetin e tij.”
Ai tha se Arabia Saudite do të mbështesë përpjekjet për negociatat “për t’i dhënë fund mosmarrëveshjes përmes një zgjidhje gjithëpërfshirëse që mbron të drejtat legjitime të popullit palestinez”.
Në një deklaratë të dielën, OIC tha se takimi në nivelin e ministrave të jashtëm do të “diskutojë pozicionin e organizatës” mbi të ashtuquajturin planin e paqes të administratës amerikane.
“OIC ripohon pozicionin e saj parimor dhe mbështetjen për Palestinën në luftën për të rifituar të drejtat e saj të ligjshme, përfshirë krijimin e një shteti të pavarur dhe sovran me Jeruzalemin Lindor si kryeqytetin e tij,” lexohet në deklaratë.
Ndër të tjera u tha se zgjidhja për çështjen e Palestinës duhet të jetë në përputhje me ligjin ndërkombëtar, rezolutat përkatëse të OKB-së dhe nismën arabe për paqen.
E ashtuquajtura “Marrëveshje e Shekullit”, e njoftuar nga Presidenti amerikan Donald Trump të martën e kaluar, tashmë është refuzuar nga Liga Arabe.
Në një deklaratë javën e kaluar, organizata tha se plani “nuk plotëson të drejtat minimale dhe aspiratat e popullit palestinez”.
Ministri turk Cavusoglu më parë kishte shprehur mbështetje për vendimin e Liges Arabe për të hedhur poshtë të ashtuquajturin plan paqeje. Ai e cilësoi atë “vendim të saktë” dhe e mohoi marrëveshjen si një “plan përdhunimi për territoret palestineze”.
Cavusoglu shpresoi gjithashtu se do të jetë “i njëjtin unitet” edhe midis anëtarëve të OIC-së.
I gjendur në krah të kryeministrit izraelit Benjamin Netanyahu, Presidenti i SHBA-ve, Donald Trump, në një konferencë shtypi në Shtëpinë e Bardhë të martën e kaluar, zbuloi planin e diskutueshëm për t’i dhënë fund një prej mosmarrëveshjeve më të gjata në Lindjen e Mesme.
Ai propozoi një shtet të pavarur Palestinez, por me njohjen e sovranitetit të Izraelit mbi Bregun Perëndimor dhe Jeruzalemin si “kryeqytetin e pandarë” të Izraelit.
I ashtuquajturi plani i paqes anulon në mënyrë të njëanshme rezolutat e mëparshme të OKB-së për çështjen Palestineze dhe sugjeron t’i jepet Izraelit pothuajse gjithçka që kërkon. /tesheshi.com/
