Jose Mourinho, trajneri i Manchester United, po kërkon t’i marrë një lojtar, Liverpoolit.
Tuttosport shkruan sot se menaxheri i Unitedit është i interesuar të ofrojë Emre Can-in me United.
Reprezentuesi gjerman është lojtar i lirë në afatin kalimtar të verës pasi i mbaron kontrata me The Reds.
Por për gjermanin ka interesim edhe nga Seria A. Menaxheri i përgjithshëm i kampionit italian, Beppe Marotta ka pranuar se po interesohen për shërbimet e mesfushorit.
Megjithatë, burimet e Torinos thonë se United po konkurron me Juve për Can, ku Mourinho ka dërguar tashmë agjentët për të kontaktuar lojtarin.
Can deri më tani ka refuzuar të marrë në konsideratë bisedimet e reja me Liverpoolin rreth një marrëveshje të re.
23-vjeçari deri më tani ka luajtur 94 ndeshje për skuadrën nga Anfield Road duke shënuar shtatë gola. /tesheshi.com/
