Përfaqësuesit e Partisë Unioniste Demokratike të Irlandës Veriore (DUP) përsëritën në një kongres në Belfast se ata kundërshtojnë marrëveshjen e Brexitit të negociuar me Bashkimin Evropian nga kryeministri britanik Boris Johnson.
DUP ka dhjetë deputetë në Dhomën e Komunave dhe është bërë një aleat i konservatorëve në pushtet, por nuk pajtohet me vendimet e kryeministrit.
Kjo forcë votoi kundër dy versioneve të marrëveshjes, të negociuara së pari nga ish-kryeministrja Theresa May dhe më pas nga Johnson.
DUP deklaron se dëshiron Brexitin me një marrëveshje, por jo me atë të bërë nga Johnson.
Kjo parti e sheh atë të dëmshme për ekonominë e Irlandës Veriore, e cila është pjesë e Mbretërisë së Bashkuar.
Parlamenti Britanik do të votojë mbi propozimin e Johnson për të mbajtur zgjedhje të parakohshme parlamentare të hënën, në një përpjekje për të prishur bllokimin e Brexit. /tesheshi.com/
