Unioni i Gjyqtarëve të Shqipërisë reagoi përmes një deklarate në lidhje me ngjarjen e rëndë të ndodhur mesditën e së enjtes në Tiranë, ku një gjytare u vra nga ish-bashkëshorti i saj.
“Sot është dita kur gjithë strukturat ligjzbatuese të bashkëpunojnë e të drejtojnë gjithë fuqinë e tyre për zbardhjen sa më shpejte të ngjarjes e me pas analizimin e drejte, objektiv e të paanshëm të këtij rasti, pjesë e një fenomeni të shëmtuar e pa asnjë lidhje me vlerat e popullit tone”, thuhet në reagimin e Unionit.
Më tej, gjyqtarët kërkojnë proçedimin sa më të shpejtë të autorit.
“Dhuna në familje po kthehet në një fenomen mjaft të rrezikshëm për shoqërinë tonë, duke moskursyer askënd : prindër, vëllezër, motra, fëmijë e veçanërisht gra, pavarësisht statusit të tyre social, detyrës që kryejnë apo moshës.
Frenimi dhe zhdukja e këtij fenomeni shoqërisht të rrezikshem e moralisht të papranueshëm kërkon një ndërgjegjësim e angazhim maksimal të të gjithë shoqërisë dhe Shtetit, për të identifikuar e zhdukur fillimisht shkaqet e lindjes së kësaj dhune, për të identifikuar e gjetur përgjegjësitë e më në fund zgjidhjet e drejta.
Le të lutemi së bashku sot që Zoti ta pranojë pranë Tij, nënën, motrën, vajzën, shoqen dhe kolegen tonë Fildes Hafizi, duke shpresuar që ky rast të jetë i fundit!”, thuhet në deklaratë e Unionit. /tesheshi.com/
