Gjatë protestave masive të Black Lives Matter në Londër fundjavën e kaluar pati një luftë paksa të hidhur, në të cilën morën pjesë mbështetës të kësaj lëvizjeje nga njëra anë dhe të djathtët britanikë nga ana tjetër.
Në njërën prej këtyre përleshjeve brutale, një i djathtë pa emër u gjend duke u rrahur nga turmat e dhunshme.
Por atëherë Patrick Hutchinson, një i zi që u shfaq për herë të parë në protestën e Black Lives Matter, e ngriti njeriun e rrahur, një i bardhë, dhe, duke e vënë mbi sup dhe e çoi atë drejt kordonit të policisë.
Akti i tij vetëmohues u filmua nga fotoreporterët dhe skena e filmuar ngjalli admirimin e të gjithë botës.
“Nëse ata tre policë, të cilët ishin në ndërhyrje kur George Floyd u mbyt nga gjuri i kolegut, do të kishin reaguar dhe do e kishin ndaluar atë ashtu si ne, George do të ishte gjallë sot. Unë thjesht dua barazinë për të gjithë ne, dua që gjërat të jenë të drejta për shkak të fëmijëve tanë”, tha Hutchinson.
Heroi në foto tha se nuk dinte asgjë për njeriun që shpëtoi.
“Kur arrita në përleshje, ai ishte i shtrirënë tokë. Ishte në rrezik vdekjeje. Nddaj mendova: nëse ai qëndron aty, nuk do të mbijetojë,” përshkruan Hutchinson.
Ai pranon se situata ishte e frikshme, por gjithashtu shton se në atë moment nuk mund të mendonte shumë për këtë. E megjithatë ai nuk pranon të konsiderohet hero.
“Unë thjesht isha kapur në kamera duke e mbajtur atë njeri në krah,” thotë Hutchinson me modesti.
Këtë virtyt ai e konfirmoi këtë me një nga statuset e tij në Facebook pas protestës.
“Kjo nuk është një luftë e zezakëve kundër të bardhëve, kjo është një luftë e të gjithëve kundër racistëve. Ne i mbronim ata që kishin nevojë për ne,” shkroi Hutchinson. /tesheshi.com/
