Fondi i Kombeve të Bashkuara për Fëmijët (UNICEF) ka paralajmëruar se vonimi i fushatave të vaksinimit të fruthit mund të prekë 117 milion fëmijë.
Vonesa është për shkak të pandemisë së koronavirusit, e cila ka prekur pothuajse të gjitha vendet e botës dhe që ka marrë me dhjetëra mijëra jetë.
UNICEF raporton se fushatat e vaksinimit janë vonuar në 24 vende. Ata paralajmëruan se vonesa mund të prekë më shumë se 117 milion fëmijë, duke treguar rëndësinë e vaksinimit dhe vazhdimin e asaj fushate.
Ata besojnë se shërbimet e vaksinimit duhet të vazhdojnë me masa mbrojtëse.
Sipas Organizatës Botërore të Shëndetit, megjithëse ekziston një vaksinë e sigurt dhe efektive për më shumë se 50 vjet, numri i rasteve të fruthit është rritur vitet e fundit, dhe në vitin 2018, kanë vdekur më shumë se 140,000 njerëz, kryesisht fëmijë dhe foshnje. /tesheshi.com/
