UNESCO ka shtuar qendrën historike të qytetit port ukrainas të Odessa-s, që shpesh përshkruhet si “Perla e Detit të Zi”, në Listën e Trashëgimisë Botërore, pavarësisht kundërshtimit nga Rusia.
Njëzet e një shtete anëtare të Komitetit të Trashëgimisë Botërore të organit kulturor të OKB-së miratuan mbishkrimin e zonave të caktuara në qytet me gjashtë vota pro, një kundër dhe 14 abstenime.
Rusia u përpoq të shtynte votimin disa herë.
Parandalimi i shkatërrimit
“Ndërsa lufta vazhdon, ky vendim sot mishëron vendosmërinë tonë kolektive për të siguruar që ky qytet, i cili gjithmonë ka përballuar trazirat globale, të shpëtohet nga shkatërrimi i mëtejshëm”, tha drejtori i përgjithshëm i UNESCO-s, Audrey Azoulay pas vendimit, raporton AFP.
Vendi është shtuar gjithashtu në Listën e Trashëgimisë Botërore në Rrezik, për të cilën UNESCO thotë se “i jep akses në asistencë të zgjeruar teknike dhe financiare ndërkombëtare” për mbrojtje ose, nëse është e nevojshme, restaurim.
Në tetor, presidenti ukrainas Volodymyr Zelensky kërkoi zyrtarisht listën për të mbrojtur qytetin nga sulmet ajrore ruse. /tesheshi.com/
