Një ukrainas i quajtur Samuel Hoda, i cili thotë se është me origjinë shqiptare, kërkon të përcillet ky fakt në opinionin shqiptar, krahas atij se është gati të luftojë për, siç thotë, vëllezërit ukrainas.
Për këtë, ai ofron dhe një video teka gjuan me armë, si tregues se si ta përdorë mirë këtë të fundit
“Përshëndetje të nderuar!
Quhem Samuel Hoda dhe jam me origjine shqiptare. Kam lindur dhe rritur në Ukrainë dhe dua t’ju them të gjithë shqiptarëve që jam gati për të mbrojtur vëllezërit tanë ukrainas.
Duhet të reagojme kundër Rusise, sepse ajo kërcënon të gjithë vendet e Europës, sidomos Shqipërinë dhe Kosovën”, i shkruan redaksisë së tesheshi.com ky ukrainas me origjinë shqiptare. /tesheshi.com/
