Edhe Erjon Veliaj, njeriu që gjithnjë ka qenë në paqe me Metën, ka reaguar ndaj një akti të këtij të fundit, i cili kërkon anullimin e projektit të Unazës së re. Sipas Veliajt, edhe Meta po ec rrugës së Nishanit me qëndrimet e tij (ndonëse nuk ia përmend emrin këtij të fundit, por e lë të nënkuptuar, teksa kujton rastin e parkut të lodrave te Liqeni.
“Te Unaza e Re: Shpronësim 100%. Kompanitë hileqare në arrest. Unaza i duhet Tiranës. Do qe zhgënjyese nëse vemi nga Presidenti anti-lodra tek ai anti-rrugë! Mos saboto Tiranen”, shkruan Veliaj, i cili vijon madje dhe duke denoncuar atë që sipas tij ndodh çdo nate të “Astiri”, nën orkestrimin e opozitës.
“Çdo ditë, për orë të tëra, bllokohen në Unazën e Re nga protestat me djegie gomash e hunjsh dhe grupseksionet e dhunshme të PD Kamëz, 99% e qytetarëve të Tiranës që as kanë zaptuar e as bëjnë lojëra politike. Nëse Presidenti inkurajon këtë 1% të hurit e zjarrit, kot që flasim”, shkruan Veliaj, i cili ripublikon ofertën qeveritare për banorët e shpronësuar. /tesheshi.com/
