Kryeministri Rama ka zgjedhur foltoren e parlamentit për të sqëaruar, sipas gjykimit të tij, gjithë atë çfarë po ndodh me protestuesit te Unaza e Re. Ai ka denoncuar raste kur ata që protestojnë janë me ndërtime pa lejë ngado, e që tani kërkojnë dëmshpërblim 100 përqind.
“Abuzuesit e Unazës së Re kërkojnë mbi 30 mln dollarë për të liruar pronën që nuk është e tyrja. Zaptuesit profesionistë nuk do të paguhen. E kanë kthyer në biznes ndërtimtarinë pa leje. Por kujt t’ja marrim rrogën që t’ja japim Gjovalinit nga Laçi, i cili është në proces dhe do dëmshpërblim 100% edhe pse ka dy godina të tjera pa leje në njësinë7?
Ka pushtuar shtratin e Unzës së Re që të ndërtojë godinën e katërt pa leje të biznesit të tij. Nuk e di a ka ardhur këtu, pasi nuk e pashë. Edmondi nuk e hap rrugën e hyrjes në Tiranë se do 100% dëmshpërblim, pasi e filloi ndërtimtarinë pa leje që në Pezë. Është bërë pronar në Pezë, më pas është hedhur në Kombinat dhe më pas u shtri edhe në shtratin e Unazës së Re duke thënë që të ketë për nipërit dhe mbesat dhe sigurisht nën hijen e shqiponjës për të cilën nuk të fal”, tha ndër të tjera Rama.
E ndërsa shefi i qeverisë fliste brenda, jashtë protestuesit gati u përleshën me policinë. Mes tyre ishin dhe deputetë të opozitës, të cilën u janë bërë krah këto ditë në kërkesat e tyre për dëmshpërblim 100 përqind. Ndërkohë, Rama sqaroi dhe njëherë se si do veprohet me të gjithë kategoritë, të ligjshëm apo të paligjshëm, të legalizuar ose jo, për t’u dhënë zgjidhje. /tesheshi.com/
