Në stadiumin “Elbasan Arena” ku mbrëmjen e 24 gushtit do të luhet ndeshja mes Skëndërbeut dhe Dinamos së Zagrebit do të jenë të pranishëm rreth 147 tifozë kroatë.
Ndeshja e parë e luajtur në Kroaci mes dy ekipeve ka përfunduar në barazim 1-1, rezultat që favorizon ekipin korçar.
Ndoshta kjo është aryeja që tifozët ultras të Dinamos së Zagrebit të udhëtojnë drejt Elbasanit në mbështetje të ekipit të tyre.
Prania e tyre në stadium ka detyruar policinë që të shtojë masat e sigurisë.
Veç uniformave blu që do të angazhohen në ruajtjen e rendit jashtë stadiumit, është menduar që të paktën 50 punonjës policie të jenë të shpërndarë në tribuna, me synim parandalimin e çdo incidenti apo konflikti mes tifozëve. /tesheshi.com/
