Dy nga diplomatët më të rëndësishëm në Shqipëri kanë lëshuar dy ultimatume të forta, që ka dhënë kuptimin se nuk do të ketë më deklarata nga ana e tyre por vetëm braktisje.
Ambasadori i SHBA-së, Donald Lu, deklaroi se Shqipëria dot ë përballet me një luftë të fuqishme të prourorëve dhe gjyqtarët e korruptuar dhe nuk duhet të lejuar, ndryshe do të mbeteni vetëm.
Ndërkohë, ambasadori i Gjermanisë në Tiranë, Helmuth Hoffman, ka qenë më konkret: “Nëse reforma në drejtësi nuk bëhet tani, atëherë Shqipëria do të kthehet 10 vjet prapa”.
Po sot, Kryeministri Edi Rama, ka qenë më i ashpër duke thënë se gjykatësit e korruptuar po pengojnë zhvillimin ekonomik të vendit.
Ambasadori i Shteteve të Bashkuara të Amerikës në Shqipëri, Donald Lu, në një takim të organizuar nga “Forumi Civil” i ish-Presidentit Moisiu, tha: “Ne shqetësohemi për gjykatësit e korruptuar, politikanë kriminelë dhe një sistem në të cilën më të pasurit e blejnë drejtësinë e tyre. Reformën në drejtësi sapo ka nisur. Gjykatës, prokurorë e politikanë të korruptuar dhe të paaftë do t’i kundërpërgjigjen kësaj reforme ne nuk duhet t’i lejojmë ata të fitojnë”.
Ndërkaq, ambasadori i Gjermanisë, Helmut Hoffman tha se duhet të pastroni vendin nga “mollët e kalbura”.
Ambasadori Hofmman ishte shumë i drejtpërdrejtë: “Nuk është e nevojshme të them se cdo përparim i Shqipërisë drejt BE ka të bëjë me reformën ne drejtës. Edhe kancelarja Merkel është marrë personalisht me cështjen e reformës në drejtësi. Unë jam dakord me termin tuaj, ‘mollë e kalbur’. Shumë norma dhe ligje ju duhet të modifikoni.
Unë uroj që të gjendet mënyra që të pastrohet sistemi nga këto mollë të kalbura. BE-ja luan një rol të rëndësishëm në këtë reformë dhe nëse do ta humbisni këtë mundësi tani, keni për ta humbur për një kohë të gjatë dhe nëse nuk e kryeni këtë reformë tani e keni humbur mundësinë për 10 vjet”. /tesheshi.com/
