Gjermania, Franca dhe Spanja i bënë thirrje presidentit të Venezuelës Nicolas Maduro që shpallë zgjedhjet brenda tetë ditëve, përndryshe ata do të njohin kreun e opozitës, Juan Guaido, si president të përkohshëm të vendit.
Maduro nuk dëshiron të tërhiqet nga pushteti pas zgjedhjeve të diskutueshme vitin e kaluar, pavarësisht presionit nga opozita dhe bashkësia ndërkombëtare.
“Populli venezuelian duhet të jetë i lirë të marrë një vendim për të ardhmen e tij”, shkroi presidenti francez Emmanuel Macron në Tëitter, në krye të deklaratave të ngjashme nga qeveritë gjermane dhe spanjolle.
“Nëse zgjedhjet nuk shpallen brenda tetë ditëve të ardhshme, ne jemi gati të pranojmë Juan Guaidon si president të përkohshëm”, tha zëdhënësja e qeverisë gjermane, Martina Fietz.
“Ne nuk duam të krijojmë apo heqim qeverinë, ne duam demokraci dhe zgjedhje të lira në Venezuelë”, tha kryeministri spanjoll Pedro Sanchez.
Shtetet e Bashkuara dhe disa vende të Amerikës Latine, kanë mbështetur tashmë opozitën venezueliane.
Zyrtarët e BE nuk e njohën hapur Guaidon, por gjithashtu bënë thirrje për zgjedhje demokratike.
Nga ana tjetër, mbështetja për Maduron kanë shprehur nga aleatët e tij si Rusia, Irani, Turqia, Kuba, Bolivia dhe Nikaragua.
Kriza në Venezuelë do të diskutohet gjithashtu në takimin e ardhshëm të Këshillit të Sigurimit të Kombeve të Bashkuara në Nju Jork.
Ndërkohë, Guaido ka njoftuar se ka një plan “trepikësh” për përfundimin e regjimit të Maduro.
“Fundi i qeverisë së uzurpatorëve, krijimi i një qeverie kalimtare dhe thirrja e zgjedhjeve të reja,” tha 35-vjeçari Guaido, kryetari i tanishëm i parlamentit, në një intervistë për La Stampa të shtunën.
Guaido i bëri thirrje ushtrisë të ndryshojë anën e saj dhe të distancohet nga Maduro, duke shtuar se oficerët ushtarakë që morën pjesë në represionin do të merrnin amnisti. /tesheshi.com/
