Nënkryetarja e Parlamentit Evropian dhe raportuese për Kosovën, Ulrike Lunaček tha se “nuk është armike e Serbisë, por është e sigurtë se Serbia nuk do të hyjë në BE pa njohjen e Kosovës”.
Dhe për këtë ajo i është referuar përvojës që Bashkimi Evropian e ka pasur me Qipron.
Prezente në “Forumin për shoqëri civile’’ të mbajtur në Beograd nën organizimin e Fondit Evropian për Ballkan dhe Fondacionit Erste, Lunaček tha se është një prej politikaneve të rralla të Brukselit që insiston për pranimin e Kosovës si kusht për Serbinë.
“Mua më pëlqen të vij në Beograd. Nuk jam armike e Serbisë siç më portretizojnë disa, për shkak se jam raportuese për Kosovën në Parlamentin Evropian. Unë e dua këtë vend, dhe mendoj se është bërë përparim i duhur për të hyrë në BE “, ka thënë Lunaček.
Siç ka thënë ajo, brenda Bashkimit Evropian do të zhduken kufinjtë, si në kuptimin territorial ashtu edhe në mendjet dhe zemrat e njerëzve. /tesheshi.com/
