Ulje e frikshme për një aeroplan komercial në Stamboll pasi pajisjet e përparme të uljes nuk u hapën.
Sipas Anadolu, një aeroplan mallrash i tipit Boeing 763 i kompanisë Fedex Airlines, i cili po kryente fluturimin Paris – Stamboll, ka pasur një defekt në sistemin e uljes. Ai kontaktoi kullën e kontrollit të aeroportit të Stambollit dhe kërkoi leje për ulje. Pas kësaj, janë marrë masat e nevojshme dhe janë dërguar ekipet e Shërbimit të Shpëtimit dhe Zjarrfikjes së aeroportit.
Kur avioni u ul, në mënyrë të pashmangshme u tërhoq zvarrë në asfalt, duke shkaktuar shkëndija nga fërkimi. Edhe pista 16R e aeroportit të Stambollit, ku u ul avioni, ishte gjithashtu e mbyllur për fluturime.
Në deklaratën e lëshuar nga operatori i aeroportit të Stambollit İGA në lidhje me aksidentin, kujtohet se Boeing 767 me numër fluturimi FX6238, me origjinë nga aeroporti “Charles de Gaulle” në Paris, ka bërë ulje të suksesshme nën drejtimin e kullës së kontrollit të trafikut ajror pa hapur rrotat e përparme për një arsye teknike. /tesheshi.com/
