Zjarri është shuar në Malin e Bardhë në dalje të Ulqinitm por autoritetet po bëjnë llogaitjen e dëmit.
Siç njofton për gazetën Vijesti komuna e Ulqnit, përveç dy shtëpive janë shkrumbuar pemë të shumta të cilët janë të rëndësishme për ekosistemin e zonës.
Me rënien e erës ka rënë hovi i flakëve që kanë përpirë të gjithë Malin e Bardhë. Policia e Ulqinit ka arrestuar dy banorë të zonës në dalje të qytetit me akuzën për piromani.
Në orët e mëngjesit të sotëm ka pasur akoma vatra të rrezikshme të zjarritm por që gjatë paradrekës të së dielës janë fikur pas ndërhyrjes nga ajri me dromader.
Edhe përkundër situatës më të qetë, njësitë e zjarrëfikësve janë pothuajse të tëra në terren dhe po punojnë që të parandalojnë përhapjen rishtazi të zjarrit, sidomos anën nga ullishta e Ulqinit. Ata bëjnë thirrje që të mos bllokohen rrugët në këtë zonë në mënyrë që makinat e tyre të mund të arrijnë të vatrat problematike.
Ekipet e zjarrëfikësve dhe qytetarë të shumtë vazhdojnë të jenë në terren.
Numri i qytetarëve që gjatë ditës së shtunë kanë dalë për të ndihmuar në fikjen e zjarrit, ka qenë jashtëzakonisht i madh. /tesheshi.com/
Ja ç’nodhi një ditë më parë:
