Pas kërcënimeve me luftë nga Serbia, janë ulur gjakrat ku e vetmja rrugë shihet dialogu dhe jo kapja e armëve.
Është kryeministri serb, Vuçiç i cili në në një intervistë për TV Pink në Davos të Zvicrës ka deklaruar se dy palët duhet t`i harrojnë armët dhe të bisedojnë për çdo gjë, duke thënë se ai shpresonte se “askush nuk do të mendojë edhe për vrasjen e serbëve në Kosovë”.
Një ditë pas, edhe kryeministri Mustafa ka ftuar qeverinë serbe të heq dorë nga gjuha kërcënuese, dhe këtë gjuhë ta zëvendësojë me gjuhën e dialogut dhe me gjuhën e bashkëpunimit.
“Dëshiroj po ashtu të ritheksoj qëndrimin për dialogun, se pa marrë parasysh vërejtjet dhe kushtëzimet për dialogun, konsideroj se dialogu është orientim strategjik dhe nuk ka alternativë, por duhet të sigurojmë që dialogu të jetë efektiv dhe sa më gjithëpërfshirës. Qasja jonë konstruktive në dialogun e ndërmjetësuar nga Bashkimi Evropian dhe i mbështetur nga Shtetet e Bashkuara të Amerikës, është në interes të sovranitetit dhe në është në interes të qytetarëve”, deklaroi sot Mustafa, në mbledhjen e qeverisë.
Duke folur për ndaljen e trenit, ai ka thënë se trenat do të mund të hyjnë nga Serbia në Kosovë dhe nga Kosova në Serbi, duke respektuar në mënyrë të dyanshme rregullat e lëvizjes së mallrave dhe lëvizjes së lirë të qytetarëve. /tesheshi.com/
