Një shtetas çeçen i akuzuar për komplot me qëllim vrasjen e presidentit Putin është plagosur, ndërsa gruaja e tij u vra në një sulm pranë kryeqytetit të Ukrainës, Kiev.
“Adam Osmayev u plagos, por do të jetojë”, tha një zyrtar vendas i Ministrisë së Brendshme.
Por ai shtoi se gruaja e tij, Amina Okuyeva vdiq. Sulmi ndaj tyre, për të cilin autorët nuk dihen ende, ndodhi në fshatin Hlevaha.
Në vitin 2012, zyrtarët rusë thanë se Osmayev dyshohej se ishte pjesë e një komploti për të vrarë Presidentin Puti.
Rusia më vonë i kërkoi Ukrainës të dorëzonte Osmayev-in, por autoritetet në Kiev refuzuan ta bënin këtë, duke thënë se donin të prisnin që Gjykata Evropiane e të Drejtave të Njeriut të shprehej për rastin e ekstradimit.
Çifti ishte i njohur në Ukrainë, pasi luftonin si vullnetarë për ushtrinë vendase kundër rebelëve pro-rusë në lindje.
Askush deri më tani nuk ka marrë përgjegjësinë për sulmin ndaj tyre. /tesheshi.com/
