Kanali gjerman ZDF ka publikuar një video, pasi ka konfirmuar se është autentike, se si një burrë që po udhëtonte ndoshta familjarisht, me një grua dhe një fëmijë në makinë, është ekzekutuar gjakftohtësisht nga ushtarët rusë, edhe pse me duart lart.
Materiali në fjalë është regjistruar më 7 mars 2022 nga një dron, pranë kryeqytetit ukrainas. Sipas ZDF, dy video të veçanta u dërguan në Frontal nga një burim anonim dhe përmbanin pamjet tronditëse, të marra në autostradën E40, disa kilometra në perëndim të Kievit.
Droni regjistroi pozicionin e një force të blinduar ruse disa metra larg një karburanti. Makina të ndryshme që nuk janë ushtarake por civile, shkojnë drejt qendrës së Kievit. Ato dallojnë tankun ruse dhe kthehen. Njëra ndalet dhe nga ajo del njeriu në timon, duke mbajtur duart lart. Qëllohet dhe vritet. Ushtarët rusë po vrapojnë nga pozicionet e tyre në vendin e krimit, shpjegon ZDF.
I zoti i dronit që ka bërë xhirimet është një tregtar elektrik që nuk hezitoi të dilte vullnetar kur rusët pushtuan Ukrainën për të mbrojtur atdheun e tij, shpjegon ZDF. Ai kishte si mission atë ditë që të regjistronte me dronin e tij, një Mavic III, pozicionet e rusëve në autostradën E40 dhe pa pritur, regjistroi skenën tronditëse. Siç tha ai, më pas automjeti i fatkeqit është hequr dhe djegur. /tesheshi.com/
https://twitter.com/i/status/1503751916395843593
