Ushtria ukrainase nisi këtë të hënë një stërvitje ushtarake të përbashkët me Shtetet e Bashkuara dhe anëtarë të tjerë të NATO-s. Stërvitja përfshin rreth 2,200 trupa nga 14 vende, duke përfshirë 10 vende të NATO-s dhe 350 pajisje ushtarake.
Përveç Ukrainës, për manovrat përfshijnë tre ish-republikat sovjetike që janë partnerët e NATO-s – Azerbajxhan, Gjeorgji dhe Moldavi.
Pjesëmarrësit po tregojnë solidaritet me Ukrainën në emër të sigurisë, sovranitetit dhe integritetit territorial “, tha ambasadori amerikan në Kiev.
Ky ushtrim fillon një javë para “Vostok-2018”, manovrat më të mëdha të ushtrisë ruse organizuar pas vitit 1980, me pjesëmarrjen e rreth 300.000 ushtarëve, përfshirë dhe trupa të ushtrisë kineze.
Ajo do të mbahet nga 11 deri më 15 shtator në Siberinë perëndimore dhe në Lindjen e Largët.
Në lindje të Ukrainës që nga viti 2014 ekziston një konflikt i përgjakshëm mes forcave qeveritare dhe separatistëve pro-rusë, të cilat, sipas Kievit dhe Perëndimit mbështeten nga Moska, por që kjo e fundit mohon çdo përfshirje. Më shumë se 10,000 vetë vdiqën në konflikt.
Nënshkrimi i marrëveshjes së paqes në Minsk në vitin 2015, ka bërë që konflikti të bie ndjeshëm, por herëpashere ka perleshje sporadike. /tesheshi.com/
