Ushtarët rusë pranë Kharkovit vdiqën pasi hëngrën ushqime të helmuara që iu dhanë si “dhuratë” nga qytetarët ukrainas, pretendon agjencia e inteligjencës ukrainase.
Dy ushtarë nga Divizioni i 3-të vdiqën menjëherë pasi hëngrën ushqime të shijshme të servirura nga qytetarët e Iziumit, njoftoi të shtunën në Facebook Drejtoria Kryesore e Inteligjencës së Ukrainës.
28 ushtarë të tjerë rusë janë në kujdes intensiv pasi u helmuan dhe disa qindra të tjerë po vuajnë gjithashtu nga “sëmundje të rënda” pasi pinë alkool të helmuar që u është dhënë nga civilët.
“Ukrainasit po i rezistojnë pushtuesve me të gjitha mjetet në dispozicion. Sipas informacioneve të disponueshme, banorët e rrethit Izium (rajoni i Kharkovit) ‘trajtuan’ rusët e Divizionit të 3 të Motorizuar të Federatës Ruse me ushqime të helmuara.
Si pasojë, dy pushtues vdiqën menjëherë, 28 të tjerë u transferuan në reanimacion.
500 anëtarë të tjerë të Divizionit të 3-të të Motorizuar të Federatës Ruse ndodhen në spitale për shkak të helmimit të rëndë nga alkooli me origjinë të panjohur”, thuhet në deklaratë.
Rusia thuhet se i ka shënuar trupat si “humbje joluftarake” teksa fillon të përqendrojë përpjekjet e saj të luftës në luftimet në rajonin Donbas të Ukrainës lindore pasi dështoi të rrethojë Kievin në gjashtë javët e para të luftës, raportoi Daily Mail.
Sabotimi është i fundit në një fushatë të luftës civile nga ukrainasit që përpiqen të sfidojnë përpjekjet ruse për të pushtuar qytetet e tyre. /tesheshi.com/
