Komandanti ushtarak i emëruar nga Rusia i qytetit të Bernyansk në rajonin Zaporizhia të Ukrainës, Artyom Bardin, u dërgua në spital me lëndime të rënda pasi iu bë një atentat ndaj tij. Thuhet se i janë këputur dz këmbët. Makina në të cilën ai po udhëtonte shpërtheu, sipas njoftimit të administratës ruse të qytetit.
Sipas informacioneve të agjencisë Ria Novosti, shpërthimi i makinës ka ndodhur jashtë godinës së administratës së qytetit. Më pas u dëgjua një shkëmbim zjarri. Mësohet se nga shpërthimi janë dëmtuar edhe tre makina të tjera.
Kanali televiziv rus Zvezda, i cili kontrollohet nga Ministria ruse e Mbrojtjes, publikoi një video që pretendon se tregon shpërthimin e makinës.
UKRAINE
Huge car bomb blast maims Russian commandant of occupied Ukrainian city as death toll among Putin's troops 'passes 50,000'
Footage from Berdyansk on Tuesday showed the burning wreckage of a car
Vehicle is said to have belonged to military commander Bardin Artem Igorevich pic.twitter.com/GdyjC01xHx— MassiVeMaC (@SchengenStory) September 6, 2022
Bernyansk-u u pushtua nga trupat ruse në fillim të pushtimit. Komandant ushtarak u emërua koloneli Artyom Badin. Siç theksojnë mediat ruse, nuk dihet asgjë për karrierën e tij ushtarake, por thonë se ai mund të jetë oficer i Gardës Kombëtare Ruse dhe ka qenë zëvendës i parë i komandës ushtarake në rajonin e Ryazan-it.
Në fund të gushtit, zëvendëskomandanti i policisë së trafikut në Berdyasnk, Alexey Kalesnikov, i emëruar nga autoritetet pro-ruse, vdiq nga plagët e tij pas një shpërthimi bombë.
Gjithashtu më 24 gusht, “kreu” pro-rus i administratës ushtarako-civile në vendbanimin Mykhailofka në rajonin e Zaporizhia-s, Ivan Susko, u vra nga një shpërthim në makinën e tij.
Në mes të gushtit, një anëtar i lëvizjes rebele në Zaporizhia foli për veprimin e lëvizjes në territoret e pushtuara për gazetën Neë York Times. Sipas të njëjtit, qëllim i lëvizjes guerile është “t’u tregojë (trupave pushtuese dhe autoriteteve ruse) se nuk është shtëpia e tyre, nuk duhet të jenë rehat (në territoret e pushtuara) dhe nuk duhet të flenë të qetë”. /tesheshi.com/
