Ushtria ukrainase pretendon se ka çliruar qytetin e Makarivit jo shumë larg Kievit.
Shtabi i Përgjithshëm i Forcave të Armatosura të Ukrainës pretendon se forcat ruse u dëbuan nga qyteti, i cili ndodhet rreth 60 kilometra në perëndim të Kievit.
“Falë heroizmit të mbrojtësve tanë, flamuri ukrainas u ngrit mbi qytetin e Makarivit. Armiku u zmbraps”, njoftuan ata në faqen zyrtare në Facebook.
Ky pretendim nuk mund të verifikohet në mënyrë të pavarur në këtë moment. Informacioni për çlirimin e Makarivit vjen tre ditë pasi tre persona u vranë në sulmin rus me mortaja aty.
Shtabi i Përgjithshëm i Forcave të Armatosura të Ukrainës njoftoi se, sipas informacioneve të disponueshme, forcat pushtuese ruse në Ukrainë kanë rezerva municionesh dhe ushqimesh për jo më shumë se tre ditë.
“Situata është e ngjashme me karburantin, të cilin rusët e dërgojnë me tanke”, thuhet në raportin e ushtrisë ukrainase.
“Okupatorët nuk arritën të organizonin një tubacion nafte për të furnizuar me karburant forcat e tyre,” thuhet në raportin e ri. /tesheshi.com/
