Dyzet ukrainas nga KFOR-i po bëhen gati për kthim në atrdhe, pasi presidenti Volodymyr Zelensky urdhëroi të gjithë anëtarët e forcave të armatosura të vendit që të tërhiqen urgjentisht nga misionet e ndryshme paqeruajtëse për shkak të luftës dhe të kthehen menjëherë në shtëpi.
Ata deri më tani kanë qenë në bazën Bondsteel afër Ferizajt, në kuadër të njësive të KFOR-it në krye të pjesës lindore të Kosovës, transmeton portali i Rrjetit Ballkanik të Sigurisë.
Për arsye që nuk janë renditur, ata nuk do të kthehen në Ukrainë nëpërmjet Serbisë qendrore dhe Hungarisë.
Më 7 mars, Zelensky urdhëroi të gjithë anëtarët e ushtrisë ukrainase që të kthehen nga jashtë vendit, por komanda e KFOR-it fillimisht njoftoi se toga në Kosovë do të mbetej për të shërbyer në atë mision.
Një pyetje e hapur është se si do të realizohet kjo
“Pas disa javësh vonesë, situata e vështirë për ushtrinë ukrainase e ka bërë të pamundur mbajtjen e njerëzve të trajnuar jashtë vendit. Kjo është arsyeja pse njësia e ukrainasve nga Bondsteel mori një urdhër për t’u kthyer”, thuhet në tekst.
Portali thekson se mbetet pyetja se si do të realizohet kjo – me mjete tokësore me mjete luftarake, fuoristradë dhe mjete të tjera për në Poloni apo Rumani, apo me avion pa pajisje të rënda.
Në Bondsteel, njësia ukrainase përdor automjete fuoristrade të modifikuara posaçërisht, të cilat janë bërë për shërbim në KFOR në Institutin e Makinerisë dhe Riparimit të Lviv.
Në vitin 2011, ukrainasit morën 40 automjete me një kabinë për dy anëtarë të ekuipazhit dhe një kabinë mallrash që mund të strehojë tetë persona. Një prototip i një automjeti të modifikuar me mbrojtje balistike është bërë në Malishevë në vitin 2012, dhe më pas në vitin 2015 një seri në Lviv. /tesheshi.com/
