Është raportuar më e detajuar karta “Kosovë” që Putin ka përdorur për të përligjur aneksimin e Donbasit e Krimesë nga Ukraina, në një bisedë me Sekretarin e Përgjithshëm të OKB-së Antonio Guterres, gjatë një vizite të këtij të fundit në Moskë.
Aty, Putin thuhet se ka shprehu një “qëndrim shumë të rrezikshëm për sovranitetin e vendeve”.
Ndër të tjera, gjatë bisedës së përmendur, ai tërhoqi vëmendjen për faktin se të dyja republikat, republikat e vetëshpallura të Donetskut dhe Luganskut, u bënë të pavarura në analogji me vendimin e Gjykatës Ndërkombëtare të Drejtësisë, i cili u miratua në rastin e “Kosova”.
“Jam shumë mirë i njohur, Personalisht i kam lexuar dokumentet e Gjykatës Ndërkombëtare të Drejtësisë të OKB-së për Kosovën. Më kujtohet mirë vendimi i Gjykatës Ndërkombëtare të Drejtësisë, i cili thotë se gjatë realizimit të së drejtës për vetëvendosje, një territor i caktuar i asnjë shteti nuk është i detyruar të kërkojë leje nga autoritetet qendrore për të deklaruar sovranitetin e tij. Kështu u tha për Kosovën dhe ky është vendimi i Gjykatës Ndërkombëtare. Ky vendim u mbështet nga të gjithë.
Unë personalisht lexova të gjitha komentet e autoriteteve amerikane, të vendeve evropiane, të gjithë e mbështetën. Nëse është kështu, atëherë DNR dhe LNR kanë të njëjtën të drejtë të deklarojnë sovranitetin e tyre, pa iu drejtuar autoriteteve qendrore të Ukrainës, sepse është krijuar një precedent”, citohet të ketë thënë njeriu që po kërcënon t’i vërë zjarrin botës me luftën në Ukrainë.
Ministri i Jashtëm rus Sergei Lavrov foli së fundmi në një mënyrë të ngjashme kur tha se “e drejta e sovranitetit duhet të respektohet vetëm në raport me shtetet që përfaqësojnë të gjithë kombin që jeton në territorin e tyre”.
Qëndrimet e tilla të dyshes Putin-Lavrov janë udhërrëfyesi i Rusisë jo vetëm për sa i përket veprimeve që ato po ndërmarrin për t’u zgjeruar në territoret e ish-Bashkimit Sovjetik, por edhe për sa i përket qëndrimit të saj ndaj Ballkanit Perëndimor dhe BE-së. /tesheshi.com/
