Ukraina, Prishtina pason Tiranën: Kosovarë, ikni që aty!

Pas shumë shteteve perëndimore, përfshirë dhe Shqipërinë, është Kosova ajo që u ka bërë thirrje shtetasve të saj të mundshëm në Ukrainë që të largohen nga ky vend.

Sipas Ministrisë së Jashtme kosovare, “nuk mund të përjashtohet më fillimi i një konflikti të hapur të armatosur dhe kjo thirrje është në kuadër të mbrojtjes së të gjithë qytetarëve shqiptarë të Kosovës.

“Pas rritjes dramatike të tensioneve mes Rusisë dhe Ukrainës, të shkaktuara nga prania dhe lëvizjet e mëdha të trupave ruse në afërsi të kufirit me Ukrainën, tashmë nuk mund të përjashtohet më, fillimi i një konflikti të hapur të armatosur.

Ministria e Punëve të Jashtme dhe Diasporës iu bën thirrje qytetarëve të Republikës së Kosovës që të mos udhëtojnë drejt Ukrainës dhe nëse ndodhen atje, të largohen sa më parë.

Për informacione aktuale dhe ndihmë konkrete, qytetarët e Republikës së Kosovës që ndodhen në Ukrainë mund të kontaktojnë Ambasadën e Kosovës në Pragë në numrin: + 420 257 217 775 ose në adresën e emailit: [email protected]”, thuhet në njoftim. /tesheshi.com/