Një prift që mbajti një predikim kundër luftës është arrestuar dje në Rusi, shkruan BBC, duke iu referuar grupeve aktiviste. Prifti John Burdin pritet të dalë para një gjykate.
Gazetari i BBC në Rusi, Andrei Zakharov raportoi se prifti Burdin u arrestua pasi mbajti një protestë në një famulli të vogël në fshatin Karabanovo.
Zakharov deklaron se Burdin predikoi kundër luftës dhe se ai u përshkroi vendasve granatimet dhe shkatërrimet e vazhdueshme të qyteteve të Ukrainës, si dhe shpërndau imazhe kundër luftës dhe një peticion në faqen e internetit të famullisë.
Policia e akuzoi atë për diskreditim të forcave të armatosura, një vepër penale e përcaktuar nga Duma vetëm pak ditë më parë.
Nga ana tjetër, Patriarku rus Kirill në predikimin e tij mbështeti agresionin e Putinit kundër Ukrainës. Ai tha se Perëndimi në thelb po organizon fushata gjenocidi kundër vendeve që refuzojnë të organizojnë parada gay. /tesheshi.com/
Russian Orthodox Patriarch Kirill unsurprisingly endorsing Putin’s narrative on Ukraine in a sermon today. According to him the West essentially organises genocide campaigns against countries that refuse to stage gay parades 🤯 pic.twitter.com/mXc89tXj4m
— Matthew Luxmoore (@mjluxmoore) March 6, 2022
