Pasi ish-tenisti Serhiy Stakhovsky njoftoi se do të merrte një pushkë në duar dhe do të mbronte Ukrainën nga pushtimi rus, një tjetër sportist ukrainas njoftoi se do të shkonte në luftë (duke kujtuar filmin “Babeta shkon në luftë”).
Bëhet fjalë për boksierin Vasily Lomachenko, i cili ishte kampion bote në tre kategori të ndryshme.
Ai ka postuar një foto në Facebook ku shfaqet me uniformë ushtarake. Lomachenko ishte rrugës për në Greqi kur Rusia pushtoi Ukrainën dhe u kthye menjëherë në vendlindjen e tij Odessa.
Kthimi nuk ishte i lehtë. Ai zbarkoi në Greqi nga Bukureshti, më pas udhëtoi në të gjithë Rumaninë për t’u kthyer në Odessa, shkruan Jutarnji list.
Lomachenko është dy herë fitues olimpik (2008 në Pekin në kategorinë e peshave të lehta dhe 2012 në Londër në kategorinë e lehtë), pas së cilës ai u bë profesionist.
Si profesionist, ai regjistroi 16 fitore në 18 luftime, 11 prej tyre me nokaut. /tesheshi.com/
