Sekretari amerikan i Shtetit, Anthony Blinken, ka thënë se Shtëpia e Bardhë nuk do të hezitojë të vendosë “kosto” ndaj Kinës nëse ajo vazhdon të mbrojë veprimet e Vladimir Putin.
Ai tha se Kina duhet të përdorë ndikimin e saj ndërkombëtar për të ushtruar presion mbi Kremlinin, duke shtuar se ata po përpiqen të paraqiten si një shtet neutral.
Ai tha se do t’ia bëjë të qartë qeverisë kineze se do të mbahet përgjegjëse për të gjitha veprimet që do të ndërmarrë në mbështetje të agresionit rus.
Blinken ra dakord me presidentin Joe Biden se krime lufte ishin kryer në Ukrainë.
Ai tha se ekspertët amerikanë ishin në procesin e dokumentimit dhe vlerësimit të krimeve të mundshme të luftës në vend, duke shtuar se ai nuk kishte parë përpjekje të rëndësishme nga Rusia për t’i dhënë fund luftës përmes diplomacisë. /tesheshi.com/
