Në disa raste, uji i nxehtë ngrin më shpejtë se uji i ftohtë. Mund t’ju duket jashtë logjike, por është një fenomen i vërtetë, edhe pse nuk ka një argument konkret se përse ndodh kështu.
Një nxënës 13-vjeçar nga Tanzania, i quajtur Erasto B. Mpemba, duke nxituar në përgatitjen e një akulloreje para se të ziheshin vendet në provëza nga nxënësit e tjerë, nuk priti që të ftohej qumështi, por e hodhi siç ishte, i vluar. Më vonë vuri re se akullorja e tij kishte ngrirë më shpejt se akulloret e tjera.
Kështu, në bashkëpunim me shkencëtarin Osborne, Mpemba publikoi një kërkim shkencor në vitin 1969 në lidhje me fenomenin në fjalë. Deri në ditët e sotme, shkencëtarët nuk dinë ta shpjegojnë arsyen.
Janë dhënë hipoteza të ndryshme për këtë. Si, për shembull, meqenëse uji i nxehtë avullon më shpejt, atëherë humbet më shumë masë, ndaj i duhet të humbasë më pak nxehtësi për t’u ngrirë. Apo, shkrirja e gazit në ujë mund ta përshpejtojë procesin e ngrirjes. /tesheshi.com/
