Jordania, Emiratet e Bashkuara Arabe dhe Izraeli kanë nënshkruar një dokument synimi për të kryer një studim fizibiliteti në një projekt të përbashkët në fushën e energjisë dhe ujit.
Ministria e Ujit dhe Ujitjes e Jordanisë lëshoi një deklaratë për projektin, i cili parashikon që vendi të marrë 200 milionë metra kub ujë në vit.
Në deklaratë thuhet se Jordania, Izraeli dhe Emiratet e Bashkuara Arabe kishin nënshkruar një letër qëllimi për të filluar një studim fizibiliteti në një projekt të përbashkët në fushën e energjisë dhe ujit në vitin 2022.
U theksua se letra e qëllimit nuk përbën një marrëveshje në kuptimin juridik apo teknik.
Një deklaratë nga konsullata izraelite në Emiratet e Bashkuara Arabe tha se të tre vendet nënshkruan një marrëveshje energjetike në këmbim të ujit në një ceremoni të mbajtur në pavijonin e Emirateve të Bashkuara Arabe në “Dubai Expo 2020”.
Fotografitë e shpërndara nga konsullata tregojnë se ceremonia u ndoq nga Ministrja izraelite e Energjisë Karine Elharrar, Ministri jordanez i Ujit Mohammed Al Najjar, delegati i Emirateve të Bashkuara Arabe Sulltan Ahmed Al Jaber dhe i dërguari presidencial i SHBA për klimën, John Kerry. /tesheshi.com/
