Një nga gorillat malore më të famshme të Ugandës, një mashkull 25-vjeçar i quajtur Rafiki, u vra, dhe katër burra u arrestuan nën dyshimin e përfshirjes në vrasje.
Gorilla, e cila i përkiste Parkut Kombëtar Bwindi i u zhduk në 1 qershor dhe trupi u gjet të nesërmen, raporton Reuters.
Një deklaratë e administratës shtetërore për mbrojtjen e kafshëve të egra të Ugandës thotë se katër burra u arrestuan për shkak të rolit që ata luajtën në vrasjen e Rafikit.
Arrestimi erdhi pasi i krye një hetim për vdekjen e gorillës dhe pasi autopsia tregoi se Rafiki pësoi një dëmtim të shkaktuar nga një objekt ose pajisje e mprehtë, e cila i kishte shpuar pjesën e majtë të barkut, duke i prekut dhe organet e brendshme.
Deklarata thotë se një burrë pranoi se ishte ai që e vrau gorillën, siç pretendoi, në vetëmbrojtje.
Katër të arrestuarit përballen me burgim të përjetshëm ose me gjobë prej 5.4 milion dollarë nëse dënohen për vrasjen e një specie të rrezikuar.
Ka vetëm mbi 1.000 gorila malore të mbetura në Ugandë, dhe shërbimi i ruajtjes së natyrës e përshkroi vdekjen e Rafikit si një “goditje të madhe”, raporton BBC.
Rafiki ishte rreth 25 vjeç dhe mbahej si drejtuesi i një tufe prej 17 gorillash.
“Për shkak të vdekjes së tij, tufa do të bëhet e paqëndrueshme dhe ekziston mundësia që ajo të shpërbëhet,” deklaron Bashir Hangi nga shërbimi i mbrojtjes së natyrës.
Mund të ndodhë gjithashtu që nëse kjo të ndodh, tufa nuk do të dëshirojë më kontakt me njerëz, gjë që do të ndikojë në turizëm.
Rafiki ishte shumë i popullarizuar në mesin e vizitorëve në Parkun Kombëtar Bwindi. /tesheshi.com/
