Një nisje e mirë për Uellsin, që ka arritur të marrë tre pikët e para në ndeshjen e parë të grupit B në Euro 2016.
Uellsianët kanë qenë të frymëzuar e të udhëhequr nga ylli i Realit të Madridit, Gareth Bale, që ka bërë gjithçka për fitoren.
Në një ndeshje përgjithësisht të ekuilibruar, me jo shumë raste në portat respektive, më të suksesshëm kanë qenë lojtarët e Uellsit në finalizimin e mundësive të dhëna.
Ekuilibrin e shifrave e ka prishur pikërisht Bale, i cili ka shënuar në minutën e dhjetë. Pjesa e parë është mbyllur me avantazhin e Uellsit. Për të ardhur tek goli i sllovakëve në minutën e 61-të. Duda e ka çuar rezultatin në 1-1.
Njëzet minuta më vonë është Robson-Kanu që realizon rishtas për Uellsin. Nemec godet dhe shtyllën nga fundi i lojës, por asgjë nuk e ndryshon më rezultatin 2-1 për Uellsin.
Ndeshja e dytë e këtij grupi, Angli – Rusi, do të nisë në orën 21:00. /tesheshi.com/
