Organi qeverisës i futbollit europian ka bërë të njohur njëmbëdhjetëshen më të mirë të vitit të kaluar, të përzgjedhur nga votat e ndjekësve të faqes elektronike të tij.
Nga përdoruesit e internetit pati 7.146.715 vota, prej të cilave doli formacioni i bërë publik nga UEFA. Nga të njëmbëdhjetë lojtarët, tetë prej tyre i përkasin kampionatit spanjoll.
Me më shumë lojtarë përfaqësohet Reali i Madridit, ndjekur nga Barcelona; 24 për qind e përdoruesve të internetit që votuan pranuan se janë mbështetës të skuadrës madrilene, e 16 për qind se janë tifozë të ekipit katalanas.
Formacioni më i mirë i vitit 2016-të përbëhet nga këta lojtarë: Buffon (Juventus), Sergio Ramos (Real i Madridit), Pique (Barcelona), Bonucci (Juventus), Boateng (Bajern i Mynihut), Iniesta (Barcelona), Kroos (Real i Madridit), Modric (Real i Madridit), Messi (Barcelona), Griezmann (Atletiko e Madridit), Cristiano Ronaldo (Real i Madridit).
Sergio Ramos është lojtari me më shumë vota, 488.908, e njëkohësisht më i parapëlqyeri, pasi shfaqet në 75 për qind të ekipeve të propozuara nga votuesit. Më pak i votuari është sulmuesi i Atletikos së Madridit, Antoine Griezmann, me 203.926 vota. Diferenca mes Ronaldo-s dhe Messi-t është e vogël, por portugezi ka marrë gjithsesi më shumë vota. /tesheshi.com/
