UEFA ka publikuar 11 lojtarët më të mirë të shekullit, duke krijuar shumë komente jopozitive në adresë të saj, për përzgjedhjet e bëra.
Por 11 më të mirët e shekullit të 21-të, kanë dalë duke marrë për bazë sa herë kanë qenë prezentë në skuadrën e vitit, përgjatë viteve. Kështu sipas UEFA-s, portieri i shekullit është Iker Casijas i Spanjës.
Në mbrojtje qëndrojnë Sergio Ramos, Charles Puyol, Gerard Pique dhe Philipe Lahm.
Mesfusha sërish me spanjollët Iniesta dhe Xavi në qendër, të cilëve iu bashkohet britaniku Gerard, ndërsa treshja e sulmit, ka patjetër Mesin, Cristiano Ronaldon dhe Tierry Henry.
Përtej komenteve, veçanërisht për portierin dhe njërin prej sulmesve, kritika ka patur për moszgjedhjen e Ronaldinhos në këtë 11-she, vendosjen në “stol” të Buffon, mungesën e Zidane apo Nestës, kalimin “tek rezervat” të Ibrahimovich, Kaka etj.
Megjithëse janë të gjithë lojtarë të mëdhenj, në fund të fundit, 11 duhen për një formacion ideal. /tesheshi.com/
