Organi drejtues i futbollit europian ka bërë të njohur formacionin më të mirë të Euro 2016-tës, të përbërë nga katër lojtarë portugezë, tre gjermanë, dy francezë, e dy të përfaqësueses së Uellsit. Janë këta lojtarë të katër ekipeve gjysmëfinaliste.
Ky është formacioni më i mirë sipas UEFA-s: Rui Patricio, Joshua Kimmich, Jerome Boateng, Pepe, Raphael Guerreiro, Toni Kroos, Joe Allen, Antoine Griezmann, Aaron Ramsey, Dimitri Payet dhe Cristian Ronaldo.
Përzgjedhja e lojtarëve është bërë nga një panel figurash të njohura të futbollit, me Alex Ferguson-in, ish-trajnerin e Mançester Junajtedit, në krye të tij.
“Vëzhguesit zgjodhën një ekip që nxjerr në pah lojtarët me paraqitjet më të mira nga ekipet me paraqitjet më të mira në Euro 2016,” deklaroi Ferguson.
Më spikatësi mes të munguarve është pa dyshim Gareth Bale, që shënoi në të tre ndeshjet në grup të Uellsit, e pati gjithashtu rol vendimtar në përparimin gjer në gjysmëfinale. /tesheshi.com/
