UEFA nis hetimet për ndeshjen Arsenal-Koln. Organi më i lartë i futbollit europian ka nisur proçedurat disiplinore në drejtim “Topçinjve” të Londrës me akuzën për mos menaxhim të mirë në shitje e biletave për tifozerin e Koln.
Ky takim nisi me një orë vonesë për shkak të dyndjes së madhe të mbështetësve të klubit gjerman, të cilët kërkonin të futeshin në brendësi të ambientit “Emirates Stadium”, pa pasur në dispozicion një biletë.
Ndërkohë nga krahu tjetër, Arsenali përmes një deklarate bën të ditur se për ta ishte thelbësore ruajtja e sigurisë fizike të tifozerive. Më tej klubi londinez, thekson se biletat e vëna në dispozicion për mbështetësit e Koln ishin në bazë të rregullave të UEFA-s, por numri i madh i të pranishmëve bëri që situata të merrte një tjetër drejtim. /tesheshi.com/
